قــــســـــوة حـــــب ......

قسوه حب

منال...
قصتى هى منال ... أتمنى تعجبكم ...

بقلم

الكاتبه : عاشقة البحر.

فى الصبااااح الباكر ودعت منال جدها للذهاب الى المدرسه وهى الان فى السنه الاخيره من الثانويه ...يعنى بصف ثالث ثانوي
وسأحكى لكم من هى
..منال..
منال بنت تملك جمااال الآخاذ ذات العيون الواسعه الجميله ..وشعرها الطويل الحريري ..وعيونها بلونها البنى ..وبشرتها البيضاء
عاشت يتيمه الابوين ... وهى لم تتجاوز الثالثه من عمرها توفي ابويها فى حادث ومنذ ذلك اليوم وهى تعيش عند جدها من ابيها
ولذلك افرط جدها بدلالها جدا فكل ماتريده تجده امامها رغم بساطة جدها ..

... اتوقع عرفتم بطلة القصه ...

منال ببتسامه : مع السلامه جدى اشوفك اذا جيت من المدرسه ...
كان جدها ابو محمد يلوح بيده لمنال التى ملكت قلبه واصبحت اهم شخص فى حياته ... كان يشكى من ألم فى قلبه ..فقد اخبره الطبيب بأن معه ضعف فى القلب
ومنذ ذلك الحين .. وهو فى تفكير مستمر بحال الصغيره منال ... لو فارق الحياه مامصيرها ... فليس لها اقارب ...
مسح الجد ابو محمد دمعه سقطت من عينه فدخل البيت واغلق الباب ...

فى المدرسهـ...............

منال بالصف وفى جوارها .... صديقتها ... نورهـ

منال :نوره ماشاء الله عليكم انتى عندك عمه وعم وكمان اخوان وخوات بس انا!!

نوره قربت من منال ووضعت يدها على شعرها الجميل: منال الله يأخذ من هنا ويعوض من هنااا يعنى انتى عطاك ربي جمال صاروخ ههههههه وكمان جدك يموت فيك

منال تضحك:ههههه حلوه صاروخ ههههههههههههههه
نوره: شفتى الضحك أحلى شي بالحياه ...
منال : ألا تعالي الاختبارات باقى عليها اسبوع اخبار المذاكره؟
نورهـ: ابد مافتحت شي ..وأنتى يادفوره خخخخ
منال: خخخ طيب ليش مافتحتى شي
نوره: وش اسوى النت ماخذ وقتى هههههه
منال : نوره اتركي النت شوي وفكري فى مستقبلك ..كلها اسبوع ونصف وترجعين للنت ماهو طاير ترى
نورهـ : خخخخ احس انى جالسه مع امى خخخخ
منال وقفت ومدت لسانها لنوره: يحصلك أنصحك غيرك يتمنى خخخخخخخ
نوره: مين غيري اعترفي خخخخخخخ
منال ضربت جبهه نورهـ :أقووول المعلمه جت
..............................
بعد العوده من المدرسه .. دخلت منال البيت وهى تنادي جدها: جدى وووووينك
أبو محمد: أنا هنااااا فى المطبخ
منال عقدت حواجبها ودخلت على جدها بالمطبخ: كم مره قلت لك لاتلمس شي لين أجي
تقدمت منال ومسكت الملعقه من يد جدها..
أبومحمد: يابنيتى روحى ارتاحي واللهـ ماهنا تعب
منال: انت اللي ارتاح ...

ابتسم أبو محمد من عناد منال وطلع يرتاح بالصاله ...
...
بعد الغداء حست منال بتعب
منال وهى تمسح على عيونها: جدى أنا بروح أنام اذا احتجت شي قومنى
أبومحمد: طيب روحى ارتاحي انتى هالحين
..

وقت العصر ............................

صحت منال من النوم وحركت يدها على الساعه وشافت الوقت بعد المغرب.. أستغربت وين جدها ليش ماصحاها من النوم!!
نزلت منال من الدرج وهى تبحث عن جدها..
وللأسف لم تجده .... وبعد مرور ساعتين
سمعت منال صوت جدها وأسرعت اليه وهى متخوفه فهي المره الاولى التى يتركها جدها لوحدها بالمنزل ..
أبومحمد : منال تعالي
منال بخوف من حده كلام جدها :وووين كنت جدى أن خفت وأنا بروحي
أبومحمد بعصبيه واضحه : منااااال تعالي ولا تكثرين كلام
راحت منال لجدها وجلست جنبه وقلبها يزداد
خوف قبل لاتنام ماكان فيه شي وهالحين جدها معصب !!!!!!
منال: سم جدى وش بغيت
أبومحمد: منال فيه واحد تقدم لك وأنا أشوف أنه كفوو ويستاهلك وعلشان كذا أبيك توافقين
منال أنصدمت كل خليه من جسمها أرتعشت عمرها مافكرت بالزواج ولا خطر ببالها وهالحين هي مطلوب منها توافق !!
منال ودموعها بعيونها: جدى أنت وش قاعد تقوول أنا وراى دراسه وأختباراتى باقي عليها أسبوع شلون أتزوج
زادت عصبيه جدها: منال الموضوع منتهى خلاص بكرا الملكه
منال : ماراح أوافق أبد
أبومحمد نزل رأسه ومسح عرق فى جبهته ونزلت دموعه ...
منال أول مره تشوف جدها يبكى جلست على الارض ومسكت يد جدها : جدى علمنى وش فيك؟
أبومحمد:منال أنا معى القلب وحياتى الله العالم فيها وخايف ان عشت معك اليوم ماعشت بكرا وصدقينى اللي اخترته لك انسان مافيه زيه يكفي أنه رجال ماهو زي غيره
منال بكت : جدى لاتقوول كذا الاعمار بيد ربي
أبومحمد مسك وجه منال: منال إذا تحبين جدك لاتقولين لا ولا تتعبينى أكثر
منال ماقدرت تقول لا : أبشر اللي تبيه راح يصير
أبتسم أبومحمد: كذا أبيك وترى اسمه مشعل
منال وقفت ومسحت دموعها : اهم شي سلامتك ياغالي
صعدت منال غرفتها وهى تبكى .. شلون جدها يفكر بمصيرها وكأن هى مالها رأي حتى ماعطاها حريه الاختيار ...
عمره مارفض لها طلب وهالحين خلاص حدد مصيرها
أتصلت منال بصديقتها نوره وبلغتها بكل شي وأنه ماراح تروح بكرا لمدرسه ......





................

أعزائي اقرأو الجزء 2 رايح يكون اكثر تشويقاً خصوصاً بدخول البطل مشعل بالقصه وفيه تتطورات راح تصير تفوق توقعاتكم ...

لا تحرموني من تفاعلكم سواءً سلبياً أوايجابياً ...