أنتهى زمان الحب

كان بيلعب من زمان

لمّا حاسسني بأمان

عشت الوهم بجنون

صدّقت إحساس جبان
.*.

كان بيرسم الشجاعة

كل ثانية و يوم و ساعة

لمّا قالوا عليه مخادع

فكرتها يدوب إشاعة
.*.

هو فعلاً كان حنون

حبته ... بس بجنون

مستحيل كنت أفكر

أني ممكن أهون
.*.

أستغل براءة فيا

و حُب كان باين عليا

كان بايعني رخيص فـ نفسه

و أنا فاكراه مشتريني
.*.

و ابتديت يوم بعد يوم

أسهر و أعد النجوم

شوفت النور فى السما

بس مشوفتش الغيوم
.*.

فى التحدى كان جرىء

غمّضت .. مشيت طريق

سلّمت من غير كلام

و أتولد إحساس برىء
.*.

من هنا بدأ الخداع

و اترسم طريق ضياع

كانت أكبر صدمة ليا

لمّا حسيت انه باع
.*.

صمتي عرف الكلام

صرخة منها قولت : حرام

مش حهين إحساسى تانى

مش حسلّم للغرام
.*.

و انتهى الحب الكبير

لمّا قتله جرح أكبر

حب كان من غير مصير

و الخداع دايماً بيقدر
.*.*.*.