مدونة أحساس لسه حى...كلام من جوه روح لكل روح

انا بعيد الموضوعات القديمة تانى حاسس ان فى شئ المفروض يتقال ومتقلش وان فى ناس المفروض تقرى الموضوعات دى ومقرتهاش واللى قال رائيه لو يحب يضيف كلمة يقولها ويا ريت حد يستفاد من الموضوعات وموضوعى انا شخصا

الحب الحقيقى يموت؟?????


ناس كتيره بتحب


بتفتكر وبتقول انه حب حقيقى

بس يبعدوا عن بعض وبعد مدة نشوف

ان جواهم اى شئ للحب اللى

كانوا بيقولوا عليه حب

مش بنلاقى جواهم حتى ذكرى منه

أكيد ده حب مش حقيقى

فى حب حقيقى بيموت؟

طيب احنا لو حبيبنا حبيبنا بجد



حبينا بكل كيانا بكل احساسنا



بصدق واللى بنحبهم لظروف ما اختفوا



وتعبنا من اختفائهم ده واتعذبنا

ومرت ايام وايام واحنا بنتعذب
مش قادريين ننسا الحب ده ولا عارفيين نحب

وقبلنا بعد مدة اللى حسينا اننا بنحبه

وأننا نقدر نعيش معاه ونكمل عمرنا ونهواه

وعرفنا اننا بنحب حب حقيقى وبجد

والقدر وكلنا عارفيين بيعمل ايه فينا القدر

فى اللحظة اللى الحب اتولد واتوجد واتمكن من قلبنا




وأبتدا يتغلغل فى كيانا ظهر حبانا الاولانى

ظهر كله حب وحنان

ظهر وهو كله اشتياق

ظهر وهو مجروح وموجوع من بعاده
تفتكرى نعمل ايه؟

ممكن نموت الحب الجديد علشان الحب القديم

ولا الحب القديم اكبر واعمق وسهل

نجهض الحب الجديد ونبعد عنه

طيب الحب القديم كان حب حقيقى وصادق فيه

الحب الجديد برضوا حب حقيقى وصادق فيه

يعنى الاتنين ينفع يكون صادق فيهم

الاتنين ممكن يكونوا حب حقيقى

هو لازم حب يتغلب على حب ويموته

ولا ممكن الحب يفضل موجود نحيت الاتنين

ويرتبط باللى ظروفها ممكن يقدر يرتبط بيها

تفتكروا تعملوا ايه ساعتها

تفتكروا الحب الحقيقى يموت نحيت حد فيهم

طيب الحب الحقيقى ممكن يتكرر اكتر من مرة

طيب لو ارتبط بحب منهم هينسا حبه التانى


طيب لو نساه محتاج اد ايه علشان ينساه

طيب ايه الاسباب والعوامل اللى تخليه يقدر ينساه

طيب ايه الاسباب والعوامل اللى تخليه صعب ينساه

انا مش هجاوب لانى محتاج اجابات
وفى ردى على التعليقات هتلاقوا اجابتى

لانه كان غصب عنه كان اختفاءه مجبرعليه