وجع الحب وجع الخوف وجع شوق وجع ضيقه

وجع حب وجع خوف وجع شوق وجع ضيقه
على كيفك وهاك اختار، هذي سـلة أوجاعي


غلا، واسمع نزيف الجرح،كلام الصمت ماطيقه
انا محتاج أسولف لك عن أول وآخر أوضاعي


وابد لا يجرحك صوتي، حياة الــطير تحلـيـقه
عليك الله تــصـير الكون ، والمسباق والداعـــي


أنا اصدق طير في الدنيا ، عشق حتى مسابيقه
لكن بديت اذكر مـــــــعك أيام مـــــربــاعــــــــــي


تعال افتح كــفوفك حلم ، أمـــوت بيوم تحـقيـقه
تعال ارسم بحور العشق واكسر لوتبي شراعي


أبي غيم سرق ربعي، وذلّلـهم بتشويقــــــــــــه
أكون أول بشر مجنون تزوره بالعطش قاعــي


حتى لو وهم ، تكفى ، أبي أتوهم بـتصـديـقه
أبي ذاتي ..أبي مولد يوازي صرخة الناعـي


أحس بداخلي عالم، حرام اقـــتل مـــخاليقـــه
حرام اسكت وأنا صوتي نثرته وجه لاتباعي


يا أول قلب يبكيني ، وتبكيني مواثـــيــــــــــــقــــــه
أنا اطباعي ماهي زينه ، بس هذي هي اطــــباعــي


تغرب بي قوافل موت..و أقول العمر تشريقـــــــه
أعيش بشبه غيبوبه، وعرف ان الزمن واعـــــي


أكمل لك، وجع خوف وجع شوق وجع ضيقه
على كيفك ترتبني ،، حلالك كـــل اوجــــاعي