مجموعه نكت مالاش حل هاهاهاي

صعيدي خرج من الجيش ومعاهوش أي صنعة فتح كشك شرطة عسكرية

صعيدي بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه

صعيدي راح أمريكا لقى الناس لابسين تي شيرتات مكتوب عليها بيبسي وكوكاكولا لما رجع البلد كتب على التي شيرت بتاعه عصير جصب

واحدة بتقول لجوزها الصعيدي عمرك ماقلتلي كلمة تحسسني إن أنا مرآتك قالها إنتي طالق

جماعة صعايدة سمعوا عن إختراع إسمه السيفون حبوا يعرفوا هو إيه بعتوا واحد منهم أمريكا لما رجع قالهم أما السيفون ده حتة إختراع يا رجاله تدوس على السيفون ويا تلحق تشرب يا متلحقش

صعيدي مفتاح عربيته ضاع ميكانيكي جه فتحاله بطفاشة تاني يوم عمل نسخة من الطفاشة

صعيدي فتح محل جواهرجى عمل أول يوم ببلاش

صعيدي إشتري عربية شبح طلع على الطريق السريع علشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة

صعيدي بيعمل كشف نظر طلع نظره 6/6 فبيقول لصاحبه أنا كنت ممكن أجيب أكتر من كده بس الدكتور اللي لخبطني

مسطول بيقول لصاحبه إمبارح شفت فيل أحمر طاير فوق عمارتنا صاحبه قاله ياكذاب هو فيه فيل أحمر

مسطول ماشي لقي زحمة جامدة أوي فبيسأل فيه إيه ؟؟؟ قالوله دول بتوع الأرصاد بيشوفوا هلال رمضان فالمسطول طلع وقف معاهم وهم مش لاقيين الهلال فالمسطول بيبص كده لقي الهلال راح قايلهم أهه الهلال أهه إنبسطوا منه أوي وإدوله 10 جنيه فرح أوي راح باصص الناحية التانية وقايلهم فيه هلال تاني أهه

مسطول بيقول لصاحبه تصدق إن بوش جاي مصر بكرة ..!!!؟؟؟ قاله علي الطلاق الأهلي يغلبه 4

واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون

نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا النتائج الا ضراب فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة." جت المصرية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."

مرة حماة أرادت اختباره اجواز بناتها فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك"

مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيضرب نفسة بالشبشب قالها وده ماله قالتله اصل ده الى اتجوزها

فين ردود الاعضاء