انطفت كل الشموع.....

اظلمت كل الليالي وانطفت كل الشموع
..... وابتدى المشوار بهمـوم الليـالي الموجعه



وانكشف وجهك ياليل الحزن ياليل يروع
..... وانكشف لي كل وجهٍ كان خلف الاقنعه



والزمن كشّر بنابه والحـزن في كل نـوع
..... والقمـر شفته بعيني يوم سيّل مدمعـه



والله ان السبت ماهو ياعرب مثل الربـوع
..... كلٍ يـومٍ نحسبه ونشـوف تاليها معه



الله انـه لا يعيـدك ياخـر ايـام السبوع
..... انكتب لي فيه عمـر الحزن والله يقلعه



ماني بظامي ولا حسيت مـن وقتي بجـوع
..... ولا شكيت الا لربي فوق قدري رافعه



مار به علّه بوسط القلب ولكبـدي تلـوع
..... نارها ماتطفي الا بعـدّ صـافي منبعه



والله اني من نصيبي والقـدر دايـم قنـوع
..... والحشف ماهو لمن مثلي عزيز يقدعـه



انت ياشمعة حيااتـي آه يازيـن الطبـوع
..... ليتك تعوّد تشوف الحال عقبك ضايعه



مار حال الوقت من دونك وانا قلبي جزوع
..... وعادتي في المقفي ليـا راح عنّي ماتبعه



آآآآه واهم يشب النار في جوف الضلوع
..... امتحنّي ماقـدرت ارتـاح منّه وادفعه



ليتك تعوّد ياليل فات تشعل لـي شمـوع
..... وتجبر بخاطـر عزيز مرّ وقتـه يجرعـه



وسلامت قلوبكم